چیلی: خۆپیشاندان و ناڕەزایەتی قوتابیان و خوێندکارانی بەردەوامە

لە درێژەی خۆپیشاندانەکانی مانگی ڕابوردووی وڵاتی چیلی، قوتابیان و خوێنکارانی زانکۆ ڕۆژانە دەڕێژنە سەر شەقامەکان و بەگرتنەبەری شێوازی جۆراوجۆر خەبات بۆ سەپاندنی داخوازییە ڕەواکانیان دەکەن.

لە مانگی ئایاری ئەم ساڵەوە خۆپیشاندانەکانی قوتابیان وخوێندکارانی چیلی بەردەوامن و ئێستا پێیان ناوەتە قۆناخێکی تازەوە، کە چۆکی بە دەوڵەت داداوە، تاکو گفتوگۆیان لەگەڵدا بکات. هێشتا ئەو خۆپیشاندان و دەستبەسەراگرتنانە هەر بەردەوامن و زیاتر قوتابیانی لە دەور گرد دەبێنەوە و سەپۆرتێکی زۆریشی لەلایەن باوکان و دایکان و خەڵکانی ترێیشەوە بۆ پەیدا بووە.
داواکاری خوێنکاران ئەوەیە، کە سیستەمی خوێندن بگەڕێتەوە بۆ سیستەمی ساڵەکانی شەستەکانی سەدەی رابوردوو، کە خوێندن خۆڕایی بووە، داوا دەکەن، کە خوێندن مافێکی ڕەوای خەڵکییە و نابێت وەك کاڵایەك لە بازاڕی کراوەدا بفرۆشرێت. ئەگەر خوێندکارانی زانکۆکان بیانەوێت زانکۆ تەواو کەن ئەوا لە ئێستادا دەبێت قەرز لە بانکەکان بە زێدەبایی 0،07% وەرگرن ، هەروەها بڕی قەرزەکەشیان سێ قات لە بڕی لایەنی کەمی داهاتی ساڵێك زیاترە، بۆیە خۆپیشاندان و داگیرکردنەکان زیاتر لە (٢٠٠) قوتابخانە و زیاتر (١٢) زانکۆشی گرتۆتەوە.

شایانی باسە، ئەگەر ئەو ڕاستییە بڵێین، کە قوتابییە کچەکان ڕۆڵێکی گەلێک مەزنیان لەمەدا هەیە ، کە لە هەندێک لە قوتابخانەکاندا زیاتر لە (١٠) جار بە پۆلیش دەرکراون و بەڵام ئەوان داگیریان کردووەتەوە. لە قوتابخانە دەستبەسەرگیراوەکاندا خوێندن لەلایەن مامۆستا خۆبەخشەکانەوە بەردەوامە و قوتابیانیش لە وانەکانیاندا بەردەوامن و هەموو ڕۆژێکیش کۆبوونەوەی خۆیان دەکەن و ڕا و تەگبیر و ئەرکەکانیان لە قوتابخانەدا ، دەخەنە دەنگدانەوە. خەڵکانی گەڕەک بە کێک و شیرینی، ڕۆژانە هاریکاریان دەکەن. بەپێی یاسای خوێندنی ئەو وڵاتە دەوڵەت پاپەندە، کە خواردنی قوتابیان لە کاتی قوتابخانەدا بدات، کاتێك کە زیاد لە پێویستی قوتابییەکان خۆیان خواردنیان هەبێت، زیادەکەی دەنێرنە دەرەوە بۆ خەڵکانی برسی.

لە دیمانەیەکدا لەگەڵ هەندێک لە قوتابیەکاندا، جەختیان لەسەر ئەوە کردۆتەوە، کە لە ماوەی ئەم (5) مانگەدا بە قەدەر ئەو چەن ساڵەی پێشتریان زیاتر شت فێر بوون، بەتایبەت سەبارەت بە ئابووری و قەیرانی ئابووری و سیاسی، هەروەها فێری ڕۆحی تەبایی و خۆشەویستی و هاریکاری و هاوبەشیکردن لە هەموو شتێکدا، بوون. پێویستە ئەوەش بڵێین، کە چەن ڕوڵێکیان بۆ خۆیان داناوە، تاکو هەموو کچان پێوەی پاپەند بن ، لەوانە: سێکسنەکردن لە فێرگە و زانکۆکاندا، نەکێشانی مادە بەنگکەرەکان و خواردنەوە ئەلکولییەکان.

ئێستا لێپرسراوانی قوتابخانەکان و خاوەنەکانیان ، کە پاگەندە بۆ وەرگرتنی پاسەوانی قوتابخانەکان دەکەن، هیچ مەرجێکیان نییە، جگە لەوەی کە بتوانن بەرگری لە دەستبەسەراگرتنی قوتابخانەکان بە بەکارهێنانی سەگ، کە لێزانین و شارەزاییش لە بەکارهێنانی سەگدا مەرج نییە.

Advertisements

وەڵامێک بنووسە

Fill in your details below or click an icon to log in:

WordPress.com Logo

You are commenting using your WordPress.com account. Log Out / گۆڕین )

Twitter picture

You are commenting using your Twitter account. Log Out / گۆڕین )

Facebook photo

You are commenting using your Facebook account. Log Out / گۆڕین )

Google+ photo

You are commenting using your Google+ account. Log Out / گۆڕین )

Connecting to %s