قۆناخا دوویەمینا بەرخوەدانا کۆبانێ و پێدڤییان

پشتی ١٣٤ رۆژان بەرخوەدانا کەچ و خورتێن کۆبانێ و ھەڤچەپەرێن وان ژ ھەر ٤ ئالی جیھانێ و ب پشتگیریا ملیۆنان ئازادیخوازێن جیھانێ، (داعش)ێ و خەونێن نەۆ-ئۆسمانییان ھاتن شکاندن و ھێڤییا هەڤکارێن (داعش)ێ و دەولەتا ترکیە ھات بن ئاخ کرن.

لێ ھین ژی پێکانینێن دەولەتان بە نڤوێنەرایەتێ دەولتا خەلافەتا ئسلامێ دە ل ھەمبەر خوەبرێڤەبرییا گەل ل “رۆژاڤا” ب داوی نەبوویە و د ئالی دەروونی و جڤاکی ھین ژی گرانییا خوە ل سەر خەلکێ کۆبانێ و کۆچبەرێن کانتۆنێ، ھین ژی بادۆرا ب ترس و خۆفا ئێرشێن (داعش)ێ ھەیە. ژ بلی کامپانییایەکە ژ بۆ بەرتەرەفکرنا ڤی باندۆرێ، نە مومکنە کوو سەرکەفتنا داوی ل ھەمبەر دوژمنێن ئازادییێ وەرێ تۆماکرن. ژ ڤر قۆناخا دوویەمینا بەرخودانێ، دەستپێکێ ژی ب دەرخستنا مایین و پاقژکرنا ھاوریدۆرێ دەستپێدکە. کارەکە وسا ژ بلی پارێزڤانێن کۆبانێ، ھاوجەیێ ب ئالیکارییا کەسێن پسپۆر ل ھەموو دەڤەرێن جیھانێ ھەیە. د ھەمان دەمێ دە کارێن کۆلەکتیف خەلکێ خوەجھی و پشتەڤانێن خوەسەرییا گەل و سەربخوەا کۆنتۆنان د جیھانێ دە ب کیژان رەنگێ دبە بلا ببە و د ھەر ئاستێکی دە کوو ژ وان رە موساید بە، ژ بۆ گەرەنتی کرنا سەربخوەبوونا کانتۆنێن رۆژاڤایە ل سەر بنگەھا ب خوە باوەربوون و سەربخوەیییا ئابۆری و ئیرادەیا تەقەزا گەل. چەند پێشنییارێن دەربارا شێوازا ئالیکارییا و پشتەڤانییا ناڤنەتەوی ژ بۆ ئاڤاکرنێ وەھانە:

– سازکرنا کۆمیتەیێن کۆمکرنا ئالیکارییان مادی و پێدڤییێن بناسازی، پێدیڤییێن پاقژکرنا کانتۆنێ ژ مایین. ڤان کۆمیتەیان ل ھەموو وەلاتێن کوو دەرفەتێ چالاکی و پشتەڤانییا بەرخوەدانا “ڕۆژاوا” ھەبە.

– ڤەکرنا ھەژمارەکە بانکێ ل ھەموو وەلاتان و کۆردنەکرنا کارێن کۆمکرنێ ژ ئالی کۆمیتەیێن پشتگیرییێ.

– کۆن ڤەدان ل وەلاتێن جیرانێ کوو پێدڤییێن بناسازی زێدەترن گۆھاتنا وان ھێسانە ژ بۆ کۆبانێ و کانتۆنێن دن، دەستنشان کرنا ئەمباران ل باژار،باژۆراک و گوند ل سەر سنۆرێن ترکیەیە، ئیراق و ئیرانێ ژ بۆ ڤەگھۆستنا ڤان پێدڤیان.

– کۆمکرنا دەرمان و پێدڤییێن پزیشکی ژ بۆ ھەرسێ کانتۆنێن ئەفرین، کۆبانێ و جزیرە.

– سازکرن و ڤەکرنا خوەندنگەھ ، نەخوەشخانە، ستادۆم و جھێن تایبەت ژ بۆ چارسەرکرنا دەروونیا مەخدوورێن شەر و کۆچبەران.

– ھەولدان ژ بۆ تەمین کرنا خەتیێن تەلەفۆنێ و ئینتەرنێتێن سەربخوە ل وەلاتێن ھەرێمێ ژ بۆ ھەر سێ کانتۆنان.

– ئاڤاکرنا زەمینا تەڤلیبوونا راستەراست ژ بۆ ئالیکارییا بناسازی ل کۆبانێ.

– ئاڤاکرنا زەمینا ژ بۆ کەسێن ژ دل کوو دخوازن تەڤلیبوونا ئاڤاکرنا کۆبانێ د ئالی پیشەسازی، چاندنی، ئەنەرژی و بناسازی و پێشخستنا ھەرسێ کانتۆنێ ببن.

– دڤێ ڤان گاڤان ھەموو گرێدایی راستەراستا خەلکێن کۆنتۆنان وەرێ کرن و ب رێیێ کۆمین ، کۆمەلە ، رێخستن و دەزگاەھێن رەڤەبرییا گەل، جڤاکی بیار وەرێ دایێن ل سەر شێوازا گرتنا ئالیکارییان و پارڤەکرنێ.

– ئەم تەڤلیبوون و پشتگیرییا د ڤی واری دە وەکە ئەرک و مەیدانێ ئانارشیستان دەبینن و ھێڤیدارن ڤان پێشنییاران ویێن کوو نھا ناکەڤن بیرا مە، ژ ئالی ئانارشیستێن جھانێ ل کوو دەرێ ڤێ جیھانێ بن، بەر چاڤان بگرن و ھەڤالێن مە ل کوو دەرێ بن تەڤلی کارووبارێ ھەرێمێن کارەساتێن شەر ببن و ھەولدانێن وان د رۆلا ئاڤاکارا ئانارشیستان ھەبە.

ڤان پێشنییارێن مە ب ئارمانجا بەردەوامییا گفتووگۆیا ھەڤالێن مەنە ل کیژان کۆشەا جیھانێ بن و پێشییارێن مە نە تەنێ ژ بۆ کۆبانێ و رۆژھلاتا ناڤین نینە، دبە کوو سبە ل کۆشەیەکە دنا جیھانا مە ئەرکەکە ب ھەمان رەنگێ بکەڤە سەر ملێ مە.

پلاتفرۆما ئانارشیستێن کوردستانێ

٤ سباتێ ٢٠١٥

Advertisements

وەڵامێک بنووسە

Fill in your details below or click an icon to log in:

WordPress.com Logo

You are commenting using your WordPress.com account. Log Out / گۆڕین )

Twitter picture

You are commenting using your Twitter account. Log Out / گۆڕین )

Facebook photo

You are commenting using your Facebook account. Log Out / گۆڕین )

Google+ photo

You are commenting using your Google+ account. Log Out / گۆڕین )

Connecting to %s