نا بۆ دەوڵەت، نا بۆ جەنگ، بەڵێ بۆ سەربەخۆیی و شۆڕشی کۆمەڵایەتی

بانگەوازی بە پەلە بۆ ھاوڕێیانی ئەنارکیست و ئازادیخواز لە ھەر کوێیەکی جیھان ھەن

بانگەوازێکی ڕاستەوخۆ و تایبەت بۆ ھاوڕێیانی ئەنارکیست و ئازادیخوازی عەرەبی-زمان

17022299_1232515610119651_2613997210020241571_n

نا بۆ دەوڵەت، نا بۆ جەنگ، بەڵێ بۆ سەربەخۆیی و شۆڕشی کۆمەڵایەتی

چەند ساڵ و مانگ و ھەفتە و ڕۆژی ڕابوردوو ئێمە ئەنارکیستان و ئازادیخوازانی ھەرێمی “کوردستان” بە ھەڵوێست و درووشمی (بەڵێ بۆ سەربەخۆیی ھەموو شوێنێک و ھەموو کۆمەڵێک، بەڵام نا بۆ دەوڵەت) دەنگی خۆمان دژی دەوڵەتاندنی ئەم ھەرێمە لەژێر پەردەی سیناریۆی “ڕیفراندۆم بۆ سەربەخۆیی” ھەڵبڕی و بەدڵنیاییشەوە ھاوڕێ عەرەبی-زمان و تورکمانی-زمان و ئاشووریی و ئەوانی دیکەش ھەڵوێستێکی لەو جۆرەیان ھەبووە و دەبێت و ھەمان چاوەڕوانیمان لە ھاوڕێیانی ئەنارکیست و ئازادیخوازی سەرتاسەری جیھان ھەیە، کە لە دژی ھەڵگیرسانی جەنگی نەوت و دەوڵەتگەرایی (بەرەی ناسیونالیستان و چەپە پڕۆ-فاشیستەکان)، لە (بەرەی دژە-جەنگی خەڵکی عیراق بە ھەموو پێکھاتەکانییەوە) پشتیوانیبکەن و لە ھەر شوێنێک دەلوێت، خۆنیشاندانی ھاوپشتی و دژی جەنگ بەڕێبخەن.

ئێمە دژە-دەوڵەتین، لەبەرئەوەی دژی سیستەمی ڕامیارین، دژی پارتییایەتی و دژی ئایدیۆلۆجییە دەسەڵاتخوازییە چەپ و ڕاسەتەکانین، لەبەرئەوەی کە دژی سەروەریی چینایەتین، دژی کاری کرێگرتە و دژی دارایی تایبەتین، کە ھەموو جەنگەکانی مێژووی سەروەریی چینایەتی لەپێناو پاراستنی ئەو سێکوچکەیە بوون؛ سەروەری چینایەتی، دارایی تایبەتی، کاری کرێگرتە!

ئێمە دژی جەنگ و چەک و کینەدۆزیی نێوان ئێتنییەکان و بازنە کولتوورەکانین، چونکە جەنگ و چەک و کینەدۆزیی تەنیا جەنگ و مەرگ و کۆیلەتی بەرەنجامدەھێنن و ھەرگیز سەرەنجامی ھیچ جەنگێک، شۆڕشی کۆمەڵایەتیی نەبووە و ھەموو کات جەنگ لەنێوبەری وزە و توانایی شۆڕشگێڕانە و لاوازکەری بزووتنەوە جەماوەریی و کۆمەڵایەتییە ئازادیخوازەکان بووە و لە بەرانبەریش گەرمکەری بازاری چەکفرۆشی و دابینکەری نەوت بۆ کارخانەکانی چەکسازیی و ئۆتۆمەبێلسازیی و وێرانگەری ژینگە و ھەژارترکردنی ھەژاران و درێژکەرەوەی تەمەنی سەروەریی چینایەتی بووە!

ئێمە ھاوکاتی دژە-جەنگ بوون، خوازیاری ڕۆنانی خۆبەڕێوەبەریی سەربەخۆی کۆمەڵەکانین لە ھەر شوێن و ھەموو کات؛ خوازیاری ڕۆنانی خۆبەڕێوەبەریی ناوچە و ھەرێمەکان  لەسەر بنەمای ھەرەوەزییە ئازادەکان و کۆمون و ئەنجومەنە سەربەخۆکانی شوێنی کار و ژیان ھەین و ئازادی تاک و بڕیاری سەربەخۆیانەی تاک بە بناخەی ئازادی و سەربەخۆیی ھەموو کۆمەڵێک دەزانین و بەبۆچوونی ئێمە لە ھەر شوینێک دەوڵەت ھەبێت، لەوێ ئازادی بوونی نییە، لە ھەر شوێنێک پارتییایەتی ھەبێت، لەوێ سەربەخۆیی کەسیی و ئاوەز و بیرکردنەوە بوونی نییە، لە ھەر شوێنێک خاوەنکار و دارا ھەبێت، لەوێ کەسی بەشمەینەت و کۆیلە ھەیە. ھەر ئاوا بەبۆچوونی ئێمە لەنێوان فەرمانداریی بیست و شەش (٢٦) ساڵەی بۆرجوازیی ھەرێمی “کوردستان” و جیابوونەوەی دەوڵەتییانەی ھەرێمی “کوردستان” جیاوازی نییە و بەشی ئێمە نەداران و بێدەسەڵاتان ھەر درێژە و زیاتربوونی بەدبەختییەکانی پێشووتر  دەبێت و دیوەکەی دیکەشی ھەر دەوڵەتمەندتربوون و بەھێزتربوونی ڕامیاران و سەرمایەداران و فراوانتربوونی مەیدانی تەڕاتێنی کۆمپانییە جیھانخۆرەکان و نێوەندەکانی وەک سندووقی نێودەوڵەتیی دراو و بانکی جیھانی و بانکی نێوەندیی ئەوروپا و دەوڵەتە زلھێزەکان دەبێت.

ئێمە ئەنارکیستان، دژی دەوڵەت و دژی جەنگ و دژی سەرکوتین و بۆ ئەو مەبەستەش ھەموو ھاودەرد و ھاوچین و ھاوئامانج و ھاوبیر و ھاوڕێکانی خۆمان لە سەرتاسەری جیھان بۆ پشتیوانی لە بەرەی دژی جەنگ و بەرگرتن لە ھەڵگیرساندنی جەنگی ناسیونالیستیی نێوان ئێتنییەکانی عیراق و ناوچەکە بانگەوازدەکەین؛ ڕاستە ئەرکی ڕاستەوخۆ و خۆجێی و سەرەکیترین چالاکی ڕاستەوخۆی دژی جەنگ لەسەر شانی کەسانی ئازادیخوازی نێو عیراق و ئەرکی ڕاستەوخۆی کەسانێک دەبێت، کە بە زمانی ئێتنییەکانی نێو عیراق دەدوێن، بەڵام ئەرکی ئێوە ھەر ئازادیخواز و ئەنارکیستێک لە ھەر شوێنێکی جیھان ھەن و بە ھەر زمانێک دەدوێن و لە ھەر شوینێک لەدایکبوون، لە ئەرکی سەرشانی ئێمە کەرمتر نییە و نابێت، چونکە ھەڵخڕاندن و ڕێکخستنی دەنگی ناڕەزایەتی شەقامی کۆمەڵەکانی خۆتان دژی جەنگ، تەواوکەر و مسۆگەرکەری سەرکەوتنی دەنگە دژە-جەنگەکانی نێوخۆی عیراق و کەمترکەرەوەی مەترسی مەرگ و ئاوارەبوونی منداڵانی عیراقە.

ئێمە ئەنارکیستانی کوردی-زمان بە دیاریکراویی ھاوڕێ (ئەنارکیستە عەرەبی-زمانەکان و فارسی-زمانەکان و تورکی-زمانەکان) بۆ وەستانەوە دژی جەنگ و ھاوپشتیکردن و یەکێتی لەتەک خۆمان دژی (پلان و بڕیارەکانی سەروەران و سەرمایەدارانی کوردی-زمان و عەرەبی-زمان و فارسی-زمان و تورکی-زمانەکان) بانگەوازدەکەین و ھەر خۆگێلکردن و ھەر کەمتەرخەمییەک و خۆدوورگرتنێک لەو بارەوە، بە ڕەزامەندبوون لەتەک جەنگ و ڕامیاران و سەرمایەداران و کۆمپانییە جیھانخۆرەکان دەزانین. ئێمە بێجگە لە دژە-جەنگ بوون و ھەوڵ و پاگەندەی بیست و چوار ساتە دژی جەنگ، ھیچ ھەڵبژێر و ئومێد و چارەیەکی دیکەشکنابەین، ئێوەش خۆتان و ویژدان و ئەرکی مێژوویی سەرشانتان؛ ئێمە لە ئێوە داخوازیی پشتیوانی و ھاودەنگی دەکەین، نەک بڕیار و سەپاندن و ناچارکردنی ئێوە، چونکە بۆ کەسی ئەنارکیست دژە-جەنگ بوون و چالاکی خۆجێی و ھاوپشتی جیھانی ئەلف و بای تێکۆشانی ئازادیخوازانەن. ئێمە چاوەڕێی ھەڵوێست و پشتیوانی چالاکی ھاوڕێیانەی ئێوەین، منداڵان و پیر و پەککەوتان و نەداران و بێدەسەڵاتانی ھەموو بەشەکانی عیراق چاوەڕێی ھەڵوێست و پشتیوانی و خۆنیشاندانی ئێوەن!

نا بۆ جەنگ

نا بۆ دەوڵەت و سەروەریی

نا بۆ نەتەوە و وڵات و ئاڵا

نا بۆ سیستەمی چینایەتی

بەڵێ بۆ ھاوپشتی و یەکڕیزی دژی جەنگ

na bo jengبەڵێ بۆ تێکۆشانی کۆمەڵایەتی

بەڵێ بۆ خۆڕێکخستنی کۆمەڵایەتی

بەڵێ بۆ شۆڕشی کۆمەڵایەتیی

بەڵێ بۆ ڕاپەڕینی کۆمەڵایەتیی

بەڵێ بۆ خۆبەڕێوەبەریی کۆمەڵایەتی

سەکۆی ئەنارکیستانی کوردیی-زمان

١٥ی ئۆکتۆبەری ٢٠١٧

na bo jengna bo jengسایتی  سەکۆی ئەنارکیستان

www.anarkistan.com

پەیجی فەیسبووکی ئەنارکیستان

www.facebook.com/sekoy.anarkistan

سەکۆی ئەنارکیستان لە تویتەر

https://twitter.com/anarkistan

ئیمەیل ئادرەسی ئەناکیستان

anarkistan@riseup.net

13407320_493095014218180_3107824600600087592_n

 

 

Advertisements

وەڵامێک بنووسە

Fill in your details below or click an icon to log in:

WordPress.com Logo

You are commenting using your WordPress.com account. Log Out /  گۆڕین )

Google+ photo

You are commenting using your Google+ account. Log Out /  گۆڕین )

Twitter picture

You are commenting using your Twitter account. Log Out /  گۆڕین )

Facebook photo

You are commenting using your Facebook account. Log Out /  گۆڕین )

w

Connecting to %s