پەیامێک بۆ ھاوڕێیان

ھاوڕێیانی ئەنارکیست لە بادینان و ھەولێر و کەرکووک و گەرمیان و شارەزوور و ھۆرامان

وەک ئەوەی جموجووڵی نێو خەڵک نیشانیدەدات، بەتایبەت لە شاری ھەولێر ئەگەری تەقینەوە و خۆنیشاندان و لەوانەشە زۆر توندتر لەوەی لە شوێنەکانی دیکە ڕووبدا.

ئەوە بۆ ئێمەی چالاکان و پاگەندەکەرانی ئەنارکیست شایانی گرنگیپێدان و ھەڵسەنگاندنە وەک پێشمەرجەکانی چۆنیەتی خۆئامادەکاریی بۆ ڕوداوەکان و ھەر ئەگەرێکی دیکە …تد

پێش ھەموو شت، دەزگە سیخوڕییەکانی (پدک) بە ھاریکاریی ئەندامانی پارتییەکانی دیکە خەریکی دەستنیشانکردن و گەڕانن لە دوای کەسانی دژە-دەسەڵات و دژە-حزبایەتی، بەتایبەت لەنێو شەقام و مەیدانەکان، گوێگوڵاخن

لەبەرئەوە، پێویستە بە ئەزموونگیری لە ڕوداوەکانی نێوان ١٧ی شوبات و ڕوداوەکانی ئەم چەند ڕۆژە ڕابوردوو، بۆ خۆپارێزی و ئاسانکاریی، کۆمەڵێک شت لەبەرچاو بگرین:

– کۆبوونەوەی چالاکان لە شێوەی شەونشینی و دیداری کۆمەڵایەتی و تەنانەت ئاھەنگی لەدایکبوون و …تد

– ھەموو ھەوڵ و کۆششمان لەپێناو ھەڵخرانی خەڵک بێت بۆ کۆبوونەوەی گشتی گەڕەک و شوێنی کار و خوێندن و پێکھێنانی کۆمیتەکانی ئامادەکاریی و سەرپەرشتی …تد

– بە ھەبوونی زەمینەی کۆبوونەوەی گشتی، بۆ پێکھێنانی  گروپ و ئەنجوومەنە خۆجێییەکانی کۆڵان و گەڕەک و شوێنی کار و خوێندن … ھەوڵبدرێت ..

– پێویستە بە گوێرەی توانا و بۆلوان بە ھەموو شێوەیەک لە بەشداریکردنی ڕامیاران و ئەندامانی باڵای پارتییە ڕامیارییەکان و ھەر ئاوا پارلەمانتاران و دەسەڵاتداران و قسەکەرانی دەسەڵات لەنێو ڕیزەکانی خەڵک تەریکبکرێنەوە و دەربکردرێن …

– ھەوڵدان بۆ پێکھێنانی دەستەکانی ئامادەکاریی ڕێکخراوە جەماوەرییە سەربەخۆکان ….

– لە کاتی ڕودانی خۆنیشاندان و پەلاماردان، ھەوڵبدرێت بنکەی گشت پارتییەکان داگیربکرێن و بکرێن بە بنکەی ئۆتۆنۆم و چالاکی کولتووریی یان شوێنی کۆبوونەوەی گشتی و ڕێکخستن …تد

– خۆلادان لە توندوتیژی و ھەوڵدان بۆ ڕاکێشان و گێڕانەوەی چەکداران بۆ نێو ڕیزەکانی جەماوەری ناڕازی، بە مەرجی فڕێدانی چەک و وازھێنانیان لە ئەندامەتی پارتییەکان…

– ڕێگرتن لە تەقەکردن و بە چەکداریکردنی ناڕەزایەتییەکان …تد

– بایکۆتی قسەکردن و کۆبوونەوەی پارتییە ئۆپۆزسیۆنەکان

– ڕێگرتن و بوارنەدانی قسەکەرانی حزبە دەسەڵاتدارەکان و ئۆپۆزسیۆنەکان

– ھەوڵدان بۆ یەکگرتنی گشت گروپ و ئەنجوومەن و ڕێکخراوە جەماوەرییەکان لەنێو تۆڕی کۆمەڵایەتیی سەربەخۆ لەسەر ئاستی شار تاکو دەکاتە ئاستی سەرتاسەری

– بەکاربردنی چاتی پارێزراوی وەک Torchat یان بگۆڕی IP-Adress بۆ پەیوەندی خێرا و پارێزراو …

– کردنەوەی ژووری داخراو بۆ چالاکانی ناڕەزایەتییەکان لەنێو مەسینجەرەکان، تکایە ئاگاداربن بۆ پەیوەندی کەسیی و ڕاستەوخۆ و پرسی نھێنی، فەیسبووک و تێلەگرام بەکارنەبەن ….

– بەکاربردنی پەیامی کلیکدراو (کۆدکراو) بۆ گۆڕینەوەی پەیامە زۆر تایبەتەکان، کەڵکوەرگرتن لە خزمەتگوزاریی GPG

ھاوڕێیان، ئەم خاڵانە لەسەر بنەمای ئەزموونی کەسیی ئێمە نووسراون و مەرج نییە بۆ واقیعی شوێنی ژیانی ئێوە یان کەسانێک لە شوێنێکی دیاریکراو بەکەڵکبن، بەڵام دەکرێت لەسەر ئەو خاڵانە کاربکرێت … ئەوەی بۆ ئێمە گرنگە، پارێزراویی گیان و چالاکی ئێوەیە، وەک ھەمیشەش ھەر کەس بۆ خۆی لە کەسانی دیکە باشتر دەتوانێت پێداویستییەکانی ژییان و چالاکی و تێکۆشانی خۆی دەرکبکات و دەستنیسانبکات و ھەڵسەنگێنێت. ئەزموونی ھەر کەسێک دەتوانێت کۆمەککەر و ئاسانکەر بێت، بەڵام ھەرگیز ھیچ شتێک دەقاودەق لەسەر زەمینی واقیعێکی دیکە پیادەناکرێت و ناگونجێت ..

ھاوڕێیانە دەستی چالاکی و تێکۆشانتان دەگوشین

چۆنیەتی خۆپارێزی لە گازی فرمێسکڕێژ

چۆنیەتی بەرگرتن و بەرەنگاریکردنی گازی فرمێسکڕێژ

بۆ چاپکردن و بڵاوکردنەوەی لەسەر ئەو لینکە کلیکبکە

چاپکردنی پێشنیارەکان 2چاپکردنی پێشنیارەکان

 

چەند پێشنیارێک* لەسەر بنەمای ئەزموونی تێکۆشانەکانی بیست و شەش (٢٦) ساڵی ڕابوردوو

– پێکھێنانی گروپ و ئەنجومەنە خۆجییەکانی گەڕەکەکان و ڕێکخراوە جەماوەرییە سەربەخۆ و ڕێکخستنی ئاسۆیی کۆمەڵ  وەک بەردی بناخەی ڕاپەڕین و خۆبەڕێوەبەریی کۆمەڵ …تد

– پێکهێنانی کۆمیته‌کانی مانگرتن و خۆنیشاندان و … هتد

– به‌رگرتن به‌ ناوچه‌گه‌رێتی و شارچییه‌تی و پارتیی پارتییێنه‌، که‌ هه‌ندێك لایه‌ن و ده‌سته‌ی ده‌سه‌ڵاتخواز بۆ په‌رژه‌وه‌ندی خۆیان دنه‌یده‌ده‌ن و … هتد

– به‌رگرتن به‌ هه‌وڵی هه‌ر گروپێك، که‌ بیه‌وێت ئاراسته‌ی خۆنیشاندان و ناڕه‌زایه‌تییه‌کان له‌ دژه‌ده‌سه‌ڵاته‌وه‌ بۆ دژه-پدک یان دژە-ینک یان دژی هه‌ر لایەنێکی دیکه‌ و ھاندان بۆ پشتیوانی لە لایەنێکی دیکە، واته‌ به‌رگرتن به‌و کەسانه‌ی که‌ بۆ ئامانجی تایبه‌تیی خۆیان ده‌خوازن خۆنیشانده‌ران به‌ گژی نه‌یاره‌کانی خۆیان بکه‌ن و … هتد

– به‌رگرتن به‌و دروشم و پاگه‌ندانه‌ی، که‌ ده‌یانه‌وێت هێزی جه‌ماوه‌ری ڕاپه‌ڕیو له‌ به‌رژه‌وه‌ندی ته‌سکی پارتییایه‌تی و ده‌ستبژێری خۆیان به‌کاربه‌رن و … هتد

– به‌رزکردنه‌وه‌ی داخوازییه‌ جه‌ماوه‌ریییه‌کان، که‌ ده‌ربڕی خواست و ئاواتی گشتین [ئازادی، یه‌کسانی، دادپه‌روه‌ری کۆمه‌ڵایه‌تی] له‌ به‌رامبه‌ر دروشم و داخوازی پارتیی و گروپه‌ رامیارییه‌کان و … هتد

– هه‌وڵدان بۆ گێڕانه‌وه‌ی هێزه‌ چه‌کداره‌کان بۆ به‌ره‌ی جه‌ماوه‌ر و داماڵینیان له‌ چه‌ك و ناچارکردنیان به‌ ده‌رچوون لەنێو‌ شار و گونده‌کان و … هتد

– به‌رگرتن به‌ کوشتوبڕ و توندوتیژی، گرتنه‌به‌ری شێوازی پارێزگاری له‌ خۆکردنی گونجاو و … هتد

– به‌رگرتن به‌ جیاوازی دروستکردن و ده‌سته‌گه‌ری و هه‌وڵی ده‌سته‌مۆکردن و خۆسه‌پاندنی گروپه‌ ڕامیارییه‌کان و … هتد

– په‌یوه‌ندیگرتن له‌ته‌ك چالاکانی جه‌ماوه‌ریی له‌ ئاستی سه‌رتاسه‌ری شار و گونده‌کانی کوردستان و عیراق و … هتد

– بڵاوکردنه‌وه‌ و گه‌یاندنی هه‌واڵ و وێنه‌ و کورته‌ ڤیدیۆکان به‌ فه‌یسبووك و تویته‌ر و تۆڕه‌ کۆمه‌ڵایه‌تییه‌کانی دیکه‌ و … هتد

– هه‌ڵخڕاندنی مانگرتنی گشتی؛ هه‌ر له‌ مانگرتنی گشتی له‌ کار، مانگرتن له‌ کردنه‌وه‌ی میدیای سه‌ربه‌ده‌سه‌ڵات و بایکۆتی ڕۆژنامه‌کانی سه‌ر به‌ دەسەڵات و … هتد

– هه‌وڵی ده‌ستبه‌جێ بۆ پێکهێنانی کۆمیته‌ و ئه‌نجومه‌ن و ڕێکخراوه‌ جه‌ماوه‌رییه‌کان له‌ شوێنی کار و له‌نێو گه‌ڕه‌که‌کان و خۆلادان له‌ شه‌ڕی گروپه ڕامیارییه‌کان له‌سه‌ر ناونانی ڕێکخراوه‌کان و … هتد

– ده‌ستبه‌کاربوون له‌ ده‌ستبه‌سه‌رداگرتن و گێڕانه‌وه‌ی کارخانه‌ و فه‌رمانگه‌ و خوێندگه‌ و کاروباره‌ گشتییه‌کان بۆ خۆبه‌رێوه‌به‌رایه‌تی سەربەخۆی گوند و ناوچە و شارەکان و … هتد

– هاوکاتی هه‌وڵی پێکهێنانی تۆڕه‌ کۆمه‌ڵایه‌تییه‌ سه‌رتاسه‌رییه‌کان، نابێت ڕۆڵی بناخه‌یی کۆمیته‌کان و ڕێکخراوه‌ جه‌ماوه‌رییه‌ خۆجێییه‌کان له‌بیربکرێت و پێویسته‌ بڕیاردان و جێبه‌جێکردن له‌سه‌ر بنه‌مای کۆبوونه‌وه‌ گشتییه‌کان و پێکهاتن و یه‌کگرتنی ئازادانه‌ی ناوچەکان و شاره‌کان و گونده‌کان و … هتد

– به‌رته‌سککردنه‌وه‌ و نەھێشتنی به‌شداریکردنی پارتیی و ڕێکخراوه‌ ڕامیارییه‌کان لەنێو ئەو کۆمیتانه‌ تاکو ئاستی ئاماده‌یی تاکه‌کان و ڕێگه‌گرتن له‌ پارتیی و ده‌سته‌بژێره‌کان له‌ بڕیاردان و قسه‌وباسه‌کان و له‌ ناوهێنان و خۆسه‌پاندنیان و ڕه‌تکردنه‌وه‌ی هه‌ر به‌رنامه‌یه‌کی پێشتر ئاماده‌کراوی پارتییه‌ ده‌سه‌ڵاتخوازه‌کان و … هتد

– به‌رگرتن به‌ هه‌ر هێز و که‌سێك که‌ بیه‌وێت هانا بۆ تۆڵه‌سه‌ندنه‌وه‌ی که‌سیی و گروپی و خێله‌کی به‌رێت و … هتد

– به‌رگرتن له‌ گروپ و ده‌سته‌چیه‌تی (سکتاریستی) گروپه‌ چه‌پ و ناسیونالیستە‌کان و … هتد

– ده‌ستکۆتاکردنی به‌کرێگیراوانی ده‌سه‌ڵات و پارتییه‌ هاوپه‌یمانه‌کانیان له‌ ده‌سته‌مۆکردن و به‌لاڕێدابردنی ڕاپه‌ڕین و … هتد

– پێکهێنانی ده‌سته‌ و هێزی پاریزگاری له‌ نێوه‌ندی کۆمیته‌کان و گه‌ڕه‌که‌کان و … هتد

– پێکهێنانی کۆمیته‌کانی پاراستنی شوێنه‌ گشتییه‌کان و ناوه‌نده‌ کۆمه‌ڵایه‌تییه‌کان و گه‌ڕه‌که‌کان و سپاردنی ئه‌رکه‌کان به‌ خودی که‌سه‌ په‌یوه‌ندیداره‌کان له‌ ڕێگه‌ی پێکهێنانی ئه‌نجومه‌نی هه‌ره‌وه‌زییه‌ کۆمه‌ڵایه‌تییه‌کان، وه‌ك کۆمیته‌، ئه‌نجومه‌ن، کۆمون، سۆڤییت، ڕێکخراوی پیشه‌یی خوێندنگه‌ به‌ خوێندکاران و کارگه‌ به‌ کرێکاران و فه‌رمانگه‌ به‌ فه‌رمانبه‌ران و کاروباری گه‌ره‌که‌کان به‌ ئه‌ندامانی گه‌ره‌که‌کان و گونده‌کان به‌ گونده‌کان، و … هتد

– ده‌ستگرتن به‌سه‌ر کاناڵه‌کانی ڕادیۆ و ته‌له‌فزیۆن و چاپه‌مه‌نییه‌کان و خستنه‌کاریان بۆ گه‌یاندنی ده‌نگی ڕاپەڕین و … هتد

– پێکهێنانی ئه‌نجومه‌ن و کۆمیته‌ و ڕێکخراوه‌کانی شوێنی کار له‌سه‌ر بنه‌مای کۆبوونه‌وه‌ی گشتی و هه‌ڵبژاردن و بڕیاردانی ڕاسته‌خۆ و پیاده‌کردنی چالاکی ڕاسته‌خۆ و … هتد

– هه‌وڵدان بۆ پێکهێنانی فێدراسیۆنی ڕێکخراوه‌ جه‌ماوه‌ری و پیشه‌ییه‌کان و هه‌نگاونان بۆ پێکهێنانی کۆنفیدراسیۆنی سه‌رتاسه‌ری له‌سه‌ر بنه‌مای سه‌رتاسه‌ری بیرکردنه‌وه و خۆجێی کارکردن و ڕێکخستنی ناقوچکه‌یی (ناهه‌ره‌می )… هتد

– هه‌ڵوه‌شاندنه‌وه‌ی به‌رێوه‌به‌رایه‌تی و ناوه‌نده‌کانی بڕیاردان که‌ پارتییه‌کان و ده‌سه‌ڵاتی هه‌رێمی و ناوه‌ندی سه‌پاندوونی و پێکهێنانی به‌رێوه‌به‌رایه‌تی گشتی و پیاده‌کردنی دێـمۆکراتی ڕاسته‌وخۆ وه‌ك بناخه‌ی به‌ڕێوه‌به‌رایه‌تی کۆمه‌ڵگه‌ و … هتد

– ده‌رکردنی به‌ڕێوه‌به‌ران و کارمه‌ندانی میری و کۆمپانییه‌ تایبه‌ته‌کان له‌ کارخانه‌ و شوێنه‌کانی دیکه‌ی خزمه‌تگوزاری و پێکهێنانی خۆبه‌ڕێوه‌به‌رایه‌تی شوێنه‌کانی کار و خزمه‌تگوزاری له‌ خودی کرێکاران و کارمه‌ندان و … هتد

– ئه‌مانه‌ و چه‌ندین کار و چالاکی دیکە، که‌ لەنێو‌ ڕاپه‌ڕینی ئازاری ١٩٩١ و مانگرتنە گشتییەکانی چەند ساڵی ڕابوردووی خۆرھەڵات و زنجیره‌ ڕاپه‌ڕینه‌کانی تونس و میسر و یه‌مه‌ن و هتد… بەدەستھاتوون و پەرەپێدانیان .

– پێویستە ئامانجی تێکۆشان و ناڕەزایەتی و خۆنیشاندان و ڕاپەڕینی خەڵک لەپێناو کۆتاییھێنان بە سیستەمی دیکتاتۆریی و دەسەڵاتی سەرووخەڵکی و دەسەڵاتداریی پارتییەکان و چەپاوڵی کۆمپانییە نێوخۆیی و دەرەکییەکان و ھاوکات لەپێناو پێکھێنانی خۆبەڕێوەبەریی خەڵک و پێکھێنانی کۆمەڵی دیمۆکراتیک و ھەڵوەشاندنەوەی ھەموو ڕێکەوتننامە و کۆنتراکت و بەرەتەرییەکان و سەندنەوەی ھەموو سامان و داھات و کەرتەکان لە پارتییەکان و کۆمەڵایەتییکردنەوەی سامان و داھات و بەرھەمھێنان و دابەشکردن و خۆشگوزەرانکردن و ڕزگارکردن و ]یادەکردنی دادپەروەریی کۆمەڵایەتی بێت، ئەگەر نا، گۆڕینی پارتییەک بە پارتییەکی دیکە، سەرۆکێک بە سەرۆکێک دیکە، دەستەبژێرێک بە دەستەبژێرێکی دیکە، یان گۆڕینی کۆمپانیای نۆکان و قەیوان و کۆڕەک و وشە بە کۆمپانیای (نالیا ) و شاسوار عەبدولواحید، ھیچ لە بەدبەختییەکانی ئێمە ناگۆڕێت.

ھەر ئاوا بۆ پاراستنی گیانی خۆنیشاندەران و دابینکردنی فریاگوزاریی، پێویستە ئەم خاڵانەی خوارەوە ڕەچاوبکرێن:

– هه‌ڵگرتنی ئاو بۆ ده‌موچاوشتن له‌ کاتی به‌رکه‌وتنی گازی فرمیسكڕێژ و … هتد

– بڕینپێچی و ڕزگارکردنی برینداره‌کان له‌لایه‌ن ده‌سته‌ فریاگوزاره‌کانی خۆنیشانده‌رانه‌وه‌ و … هتد

– ئاگادارکردنه‌وه‌ و گه‌یاندنی ناوی گیراوه‌کان له‌ کاتی ده‌ستگیربوون و … هتد

– بڵاوکردنه‌وه‌ی ناوی به‌کرێگیراوانی ده‌سه‌ڵات و چه‌کداره‌ ته‌قه‌که‌ره‌کان و گرتنی وێنه‌ و کورته‌ فێلم له‌سه‌ر ئەوان لەنێو‌ تۆڕه‌ کۆمه‌ڵایه‌تییه‌کان و … هتد

– ئەوانە و زۆر ھەنگاو و پێشنیاری دیکەی زادەی پراکتیکی ڕۆژانە و سەرھەڵدراوی نێو ناڕەزایەتییەکان و تێکۆشانەکان …تد

—————————————————————————————————————-

زۆرێک لەو خاڵانەی سەرەوە، بەشێکن لە ڕاگەیێندراوی (پێشنیاری دەستەیەک لە چالاکانی خۆنیشاندانەکانی ١٧ی شوباتی ٢٠١١)