هەڵوێست و هاوپشتی ئێمە لە دەرەوەی سوریە و تورکیە، بایکۆتکردن و لێدانی بەردەوامە لە ئابووری تورکیە!

ئێمە دژی جەنگین، بەڵام هەرگیز دژی بەرەنگاری و خۆپاراستنی کۆمەڵەکان لە هێڕشی دەوڵەتان نابین و بەوپەڕی تواناوە لە بەرەنگاریکردنی (جەنگ و هێرش و داگیرکەران و هێزە سەرکورگەرەکان) پشتیوانیدەکەین!

ئێمە دژی جەنگین، نەک بەس لەبەرئەوەی بۆ سەر کۆمەڵێکی هاوزمانی خۆمان هێرشکراوە، نەخێر، هاوڕێیانی ناهاوزمانیش وەک لە ڕۆژاوا پشتیوانیدەکەن و بەوپەڕی توانای ئازادیخوازانەی خۆیان لە هەر سەنگەرێکەوە گونجاوبێت، خەریکی بەرەنگاریکردنی هێرشی حکومەتەکەی ئەردۆگان و هاوپەیمانە جیهانیی و ناوچەییەکانی ئەون!

جەنگ بەس کوشتن و داگیرکاریی نییە، جەنگ بازاری سەرمایەگوزارییە، وێرانکردنە بۆ بەهێزکردنەوەی سووڕی سەرمایە، جەنگ وێرانکردنی ژینگەیە، لەنێوبردنی ژییانە؛ جەنگ بەس مەرگی کۆمەڵەکان و وێرانکاریی کۆمەڵگەکان نییە، جەنگ درووستکەر و هەڵخڕێنەی کینەدۆزیی ناسیونالیستیی و پەرەپێدەریەتی بەرەو فاشیزم؛ جەنگ بەس ئاوارەکەری هەزاران کەس و گۆڕینی دێمۆگرافیای ناوچەکان نییە، جەنگ بۆ گۆڕینی ملمانێیی پارتییەکان و دەوڵەتانە بۆ جەنگی نێوان ئێتنییەکان و پێکهاتە کۆمەڵایەتییەکانی دیکە؛ جەنگ لەنێوبردنی شوناسی مرۆڤایەتی و پارچە پارچەکردنی بوونە گەردوونییەکەی مرۆڤە وەک بوونەوەرێکی هوشیار؛ جەنگ سەنێرگەی سەرهەڵدانی پارتیی و جانەوەرە ڕامیارەکانە؛ جەنگ کوشتنی دەروونیی نەوەی نوێ و بارگاویکردنی منداڵانە بە دەمارگیری و کینەدۆزی ناسیونالیستیی و ڕەیسستیی و شۆڤنیستیی و فاشیستیی!

جەنگێک کە هەر ئێستا یەخەی کۆمەڵ و ئێتنییەکانی ڕۆژاوا (باکووری سووریە)ی گرتووە، بەس جەنگی کینەدۆزانەی (گورگە بۆرەکان)ی تورکیە دژی ڕۆژاوا نییە، بەڵکو بەرەنجامی بلۆکبەندیی زلهێزەکان و هەوڵی بەشکردنی کێکی کۆتایی جەنگی هەشت ساڵەی نێوخۆیی سوریەی؛ جەنگی یەکێتی دەوڵەتەکانی دونیایە دژی کۆمەڵەکان، جەنگی کۆنەپەرسیی ئایینییە دژی پێشکەوتن؛ جەنگی خۆشباوەڕکردنەوەی دەنگە دۆڕاوەکانی هەڵبژاردنی پارلەمانییە؛ یەکێتییی بنەماڵەیی بۆرجوازییە لە هەر چوار گۆشەی دونیا، هەوڵی ناردنەدەرەوەی قەیرانە ئابووریی و کۆمەڵایەتیی و ڕامیارییەکانی حکومەتی ئەردۆگان و هاوپەیمانەکانی ئەوە، پەردەیەکە بۆ سەرکوتکردنی دوا دەنگە ناڕازییەکانی نیوخۆی تورکیە لەژێر ئەو، ئەو دەنگانەی کە لە تەقیسم و لەنێو زیندانەکان و لە هەموو کۆڵان و گەڕەک و کارخانەیەک یەخەگیری حکومەتی ئاکپارتیی بوون؛ لێدانی دوا بزماری دیکتاتۆریی نیئۆئوسمانییەکانە لە تابووتی ئازادی!

بەرانبەر بەو یەکێتییە بۆرجوازییە و ئەو هێرشە سەربازییە و ئەو چاوپۆشییە جیهانییە، ئێمە جەماوەری ئابڵۆقەدراوی نێو بەرەکانی جەنگ و ئازادیخوازانی جیهان بەس هێز و یەکێتیی بەرەنگارییکردن شکدەبەن، کە بۆ ئێمە لە دەرەوەی بەرەکانی جەنگ بەس بواری ڕێپێوانی هاوپشتی، کۆکردنەوەی کۆمەک بۆ قوربانیانی جەنگ و بایکۆتکردنی کڕینی کاڵای کارخانەکانی تورکیە وەک چەکی شۆڕشگەرانە بۆ لێدانی دەماری سەرەکیی جەنگ کە ئابووریی و بازارە، بەداخەوە لە ئێستا هیچ بوار و مەیدانێکی دیکەی لە ڕێپێوانی هاوپشتی و بایکۆتی کڕینی کاڵا و گەشتەکانی تورکییە گونجاوتر نییە. هەڵبەتە بایکۆتی بەردەوام و هەمەلایەنە، بایکۆتکردنی هەر بەکاربردن و چالاکی و جوڵەیەک کە بە جەنگ و کۆمپانییەکانی چەکسازیی و حکومەتی ئاکپارتیی و هەوڵی باڵکێشانەوەی ئیمپراتۆریی نیئۆئوسمانیی خزمەتدەکات!

ئێمە کۆمەڵێک کەسی ئازادیخواز وەک بیست و یەک ساڵی ڕابوردوو لەسەر بانگەوازکردنی بایکۆتکردن بڕیارمانداوە و بۆ ئەو مەبەستە هەموو پەیوەندییە کۆمەڵایەتییەکانی خۆمان و هەموو کەسێكی ئازادیخواز و دژەناسیونالیست و دژەڕەیسیست و دژەشۆڤێنیست و دژەفاشیست و دژەسەرمایەداریی و دژەسەروەریی چینایەتی بۆ بەشداریکردنی چالاکانە لەنێو هەڵمەتی بایکۆتکردنی کڕینی کاڵای کارخانەکان و گەشتکردن بە هێڵە ئاسمانی و زەمینیی و دەریاییەکانی تورکیە و بانگەوازکردنی دەوروبەری خۆی بۆ پەیوەستبوون و بەشداریکردنی هەڵمەتی بایکۆت بانگەوازدەکەین.

نا بۆ جەنگ و لەشکر و حکومەت و سیستەمی چینایەتی

نا بۆ بێدەنگیی و خۆدزینەوە لە هاودەردی مرۆڤانە و ئەرکی شۆڕشگەرانە

ب ەرەو بەرەدەوام بایکۆتکردنی کاڵای کارخانەکان و گەشتی تورکیە

بەرەو یەکڕیزی دژەناسیونالیستی ئازادیخوازانی جیهان دژی جەنگ و ملهوڕیی

گفتوگۆی ئازادیخوازان

www.facebook.com/groups/AZADIXUAZAN

سەکۆی ئەنارکیستانی کوردییزمان

www.facebook.com/ANARKISTAN www.anarkistan.com

19ی ئۆکتۆبەری 2019

وەڵامێک بنووسە

Fill in your details below or click an icon to log in:

WordPress.com Logo

You are commenting using your WordPress.com account. Log Out /  گۆڕین )

Google photo

You are commenting using your Google account. Log Out /  گۆڕین )

Twitter picture

You are commenting using your Twitter account. Log Out /  گۆڕین )

Facebook photo

You are commenting using your Facebook account. Log Out /  گۆڕین )

Connecting to %s

This site uses Akismet to reduce spam. Learn how your comment data is processed.